باغئشلئیان یارادان و قئیمایان تانرئنئن آدئیلا

حورمتلی و چوخ دغرلی آذربایجانئن اوجه میلتی، من وحیدم ،منیم باره مده چوخ شئیلری اشیدمیسیز و بیلیسیز، ولی ایندی کی منیم وبلاگئمئن آچئلئشئن اشیدیب و یا بو وبلاگی آچمئسئز و منیم درد لرمی اوخویورسوز ،حتمآ اوز اوزوزدن سوروشا جاخسئز کی اجبا بو کی ایکی گوزون الدن وئرمیشدی بس نئجه یازئب و یازابیله جک؟!

محترم آذربایجان تورک میلتی من بو آندا ایتالیا دا یاشاماخدایئم و منی بو یولدا  یانی دردلرمی دنیایا یئتیرمک اوچون بیر یاخئنئم وار (کمک چیم) و انون گوجو و یاردئمئیلا اللشه جاغام کی سوزلریمی سیزه و دنیادا یاشایان انسانلارا یئتیرم.

بلی بیلدیغیز کیمی من ۱۳۸۵  ایلینین خرداد آیی آذربایجان میللی حرکتینده گوزلریمی الدن وئرمیشم ، داها دوغروسو  منیم بیر انسان اولدوغومو باغئردئغمدا  و منده بیر الله قولویام دئدییمده و منده انسانام  منه حیوانی صفت وئرمیین دئدییمده و منیمده ایران اولکسینده بیر انسان کیمی یاشاماغا حقئم وار دئدیمده  بو ایکی گوزومو ،کی هر شئیدن چوخ سئودیمیدی و او گوزلریمی آینایا باخدئخجا سئوردیم و اولارا قورورلاناردئم  ، بلی او ایکی گوزو مندن آلدئلار ،منیم عزیزترین شئیمی الیمدن آلدئلار کی آرتئخ هئچ بیر ایستگیم اولماسئن ، آمما منده دییرم کی اجبا  ای اوجه تانرئ  ای الله یوخسا  نعوذ و بالله سن می اشتباه یارادمئشدئن؟ !!!!!! یوخسا  من می اشتباه یئرده دنیایا گئلمیشدیم ؟!!!!!!، کی  منی بئله ائله دیلر ؟! و منینیم دنیامئ قراددئلار .

مگر من نه ایسته دیم؟!